Diplomàcia digital

Diplomàcia publica digitau e participativa

Catalonha, un territòri petit, dubèrt ath mon e damb ua clara vocacion internacionau, non pòt demorar en marge dera creishenta preséncia de diplomatics, organizacions internacionaus e institucions de diplomàcia publica en internet e enes hilats sociaus. Enes darrèri ans era diplomàcia publica a anat adoptant aguesti naui esturments entà establir mès facilament un dialòg damb era opinion publica de païsi aluenhadi, tan geograficament coma culturau.

En aguest sens, era diplomàcia publica, que per definicion promò eth dialòg bilaterau entre actors, comunicar mès tanben escotar, tròbe enes esturments digitaus un canal excellent entà establir aguesta relacion. En mon actuau, es païsi, independentament dera sua poblacion, extension o PIB, mès tanben es entitats subestataus coma Catalonha damb un messatge internacionau a transméter, non ac pòden ignorar. S’era societat civila internacionau ei presenta enes hilats sociaus, en un mon virtuau sense termières, era diplomàcia publica catalana tanben i a d’èster, ja qu’aguesta, des des sòns inicis, a volut auer un dialòg sincèr e dubèrt.

Es esturments de diplomàcia digitau deth Consell de Diplomàcia Pública de Catalunya se definissen segons eth contèxte internacionau, ajustant-se ath sòn public objectiu, era opinion publica internacionau, entà transméter es sòns messatges. Ena actualitat es plataformes enes quaus ei present eth Consell son es següentes:

 Twitter

@CatalanVoices

Ei eth principau esturment de diplomàcia publica digitau participativa de qué dispòse ena actualitat eth Consell de Diplomàcia Pública de Catalunya. Neishec en març de 2013. Se tracte d'un compde gestionat per ua persona diferenta cada setmana seguint eth concèpte “Rotation curation”  inventat per @Sweden e adaptat a nivèu d'entitat subestatals entà @Scotvoices. Es curators de @CatalanVoices, quinsevolh persona qu’age demorat en Catalonha aumens pendent 3 mesi, independentament dera sua nacionalitat,  piulen en anglés sus es sòns pensaments e vida quotidiana. Presentant ua persona diferenta cada setmana, qu’ère en anonimat enquiad aqueth moment, se genère un debat ath torn de naui concèptes e tèmes a compdar de diuèrsi interèssi. Er objectiu principau de @CatalanVoices ei generar coneishement dirècte sus Catalonha per part d'aqueri que milhor coneishen eth país, es sòns residents. Podetz veir totes es participacions des dera adreça d’Internet: www.catalanvoices.com.

Es participants deth @CatalanVoices gaudissen d’un periòde d’accès gratuït ena version digitau deth diari Ara

 En marc d’un acòrd damb eth Consell de Diplomàcia Pública de Catalunya, eth diari Ara aufrís as curators deth projècte accès gratuït ara sua version digitau pendent dus mesi, tanben damb efèctes retroactius damb es participants que ja i a agut pendent eth prumèr an de foncionament d’aguest compde Twitter. D’aguesta manèra, eth Diari met a disposicion des participants deth projècte er accès digitau ara version entà soscriptors pendent eth periòde nomentat.

@ThIsCatalonia (This is Catalonia)

Ei eth compde oficiau de Twitter deth Consell de Diplomàcia Pública de Catalunya. Des d'aquiu eth Consell comuniquea en anglés  tant es notícies que se genèren des deth Consell coma totes aqueres notícies que se genèren sus Catalonha en anglés o per part de miejans de comunicacion internacionaus. Es piulades son generaument en anglés entà arribar ath maxim d'usatgèrs de Twitter, encara qu’eventuaument tanben se pòt piular en d’auti idiòmes estrangèrs segons eth contengut e eth destinatari.

Eth compde de Twitter a volentat de respóner es questions e suggeriments que se formulen ath torn dera activitat deth Consell o de Catalonha en hilat, ja sigue dirèctament o adreçant ara institucion corresponenta de Catalonha.

 Pinterest

http://pinterest.com/ThisisCatalonia

Eth compde de Pinterest This is Catalonia cerque generar coneishement sus Catalonha a trauès deth poder d'imatges damb fòrça atractiu, agropades per diferentes categories d'emplec abituau en aguest hilat sociau. Ei dubèrt ara participacion de d'auti usatgèrs seleccionats de Pinterest que, damb es sues aportacions, enriquissen eth mosaïc aufrit.

 Google Hangouts i  Canal YouTube

http://www.youtube.com/user/DiplocatOficial

Google Hangouts permet era trobada virtuau de diferentes persones des de diferentes parts deth mon, retransmetent era sua convèrsa en dirècte e dempús en tot hèr-la accessibla per miei de YouTube. 

Es Google Hangouts deth Consell de Diplomàcia Pública de Catalunya an coma finalitat establir debats de cuerta durada a trauès de Google+, ja sigue ath torn des tèmes d'actualitat en Catalonha o ben sus es tèmes d'interès globau sus es quaus Catalonha a expertesa, damb diferenti punts d’enguarda catalans e de d'autes parts deth mon.

 

Darrèra actualizacion: 28 Octobre 2014

Imprimís