Màster en Diplomàcia

Mastèr Executiu en Diplomacia e Accion Exteriora

MDAE

En un mon globalizat, quinsevolh institucion, entrepresa o entitat a eth besonh de daurir-se ath mon entà desvolopar es sues iniciatives d’internacionalizacion e arténher es sòns objectius. Maugrat qu’es institucions catalanes hè mès de 30 ans que desvolopen era sua accion exteriora, especiaument des dera entrada d’Espanha ena Comunitat Europèa er an 1986, jamès an compdat damb sistèmes especifics de seleccion de personau especializat en encastre des relacions internacionaus.

Damb er objectiu de milhorar es capacitats des institucions catalanes en matèria d’accion exteriora, eth Consell de Diplomàcia Pública de Catalunya e era Secretaria d’Afers Exteriors e dera Unió Europea acordèren impulsar un programa de formacion complementària en matèria de diplomàcia e accion exteriora adreçada ath personau des administracions publiques de Catalonha damb experiéncia internacionau.

Eth Mastèr Executiu en Diplomàcia e Accion Exteriora ei ua formacion de postgrau innovadora, adaptada as besonhs d’ua administracion deth sègle XXI e concebuda entà gestionar ua politica exteriora dinamica, flexibla e preparada entà afrontar es rèptes d’un mon interdependent ena èra des comunicacions. Eth programa formatiu, qu’a ua durada de 10 mesi, da fòrça pes ena economia, era comunicacion e era negociacion, sense desbrembar es encastres mès classics coma eth dret internacionau, es ahèrs europèus o era istòria des relacions internacionaus.

Eth Mastèr ei dirigit peth professor Carles Boix, doctor en Sciéncies Politiques, mastèr en Administracion Publica pera Universitat de Harvard e catedratic de Sciéncia Politica e Ahèrs Publics ena Universitat de Princeton e compde damb professors catalans e estrangèrs restacats en centres academics de Catalonha, atau coma damb professors visitants de d’auti païsi.

Er Institut Barcelona d’Estudis Internacionals (IBEI) e era Escola d’Administració Pública de Catalunya (EAPC) collabòren ena organizacion d’aguest programa de formacion que da dret ath títol de Màster Executiu en Diplomàcia e Acció Exterior pera Universitat Pompeu Fabra (UPF).

Nau!

Cinquantea edicion

Eth 18 de mai de 2017 s’a dubèrt era convocatòria entara cinquantea edicion deth Màster, ena que i pòt optar eth personau dera Generalitat de Catalonha e des administracions locaus  de Catalonha damb experiéncia o interès demostrable en relacions internacionaus e damb un subergessent  domèni der anglés. Eth termini de presentacion des sollicituds finalize eth 7 de junh de 2017. Es classes s’iniciaràn er 1 de seteme de 2017 e finalizaràn eth deseme de 2018.

Quatau edicion

Eth 30 de noveme de 2015 se dauric era convocacion entara quatau edicion deth Mastèr, que i podie optar eth personau dera Generalitat de Catalonha e des administracions locaus de Catalonha damb experiéncia o interès demostrable en relacions internacionaus e damb ua excellenta mestresa der anglés. Eth 3 de gèr de 2016 se barrèc era convocacion e se presentèren 48 candidatures, que se’n ne seleccionèren 19. Es classes comencèren eth 15 de hereuèr e finalizaràn en gèr de 2017.

Tresau edicion

Entre eth 17 de noveme e eth 7 de deseme de 2014 se dauric era convocatòria entath procès de seleccion d’un maximum de 20 escolans, que i podie optar eth personau dera Generalitat de Catalonha, dera Deputacion de Barcelona, e des conselhs comarcaus e ajuntaments dera demarcacion de Barcelona. Se presentèren 49 candidatures e se’n seleccionèren 17. Es classes comencèren eth 19 de gèr de 2015 e finalizèren eth 20 de noveme de 2015.

Segona edicion

Era convocatòria entara segona edicion deth Mastèr siguec dubèrta entre eth 18 de deseme de 2013 e eth 12 de gèr de 2014. En aguesta segona edicion i podie optar eth personau dera Generalitat de Catalunya e dera Diputació de Barcelona damb experiéncia en encastre internacionau e damb un excellent coneishement der anglés. Se presentèren 74 candidatures des quaus se’n seleccionèren 19. Es classes comencèren eth 6 de hereuèr e finalizèren eth 22 de deseme de 2014.

Prumèra edicion

Era convocatòria pera prumèra edicion deth Mastèr se dauric en mes de mai de 2013 e siguec adreçada exclusivament tath personau dera Secretaria d’Afers Exteriors e dera Unió Europea, era Agència Catalana de Cooperació al Desenvolupament, eth Consell de Diplomàcia Pública de Catalunya e era Escola d’Administració Pública de Catalunya damb foncions restacades damb era accion exteriora. Pendent eth mes de junh se realizèc eth procès de seleccion en quau se presentèren 33 candidatures e se’n seleccionèren 19. Es classes comencèren eth 27 de junhsèga de 2013 e finalizèren eth 3 de junh de 2014.

Damb era participacion de:
Secretaria d'Afers Exteriors i de la Unió Europea
IBEI - Institut Barcelona d'Estudis Internacionals
Escola d'Administració Pública de Catalunya
Universitat Pompeu Fabra
Damb era collaboracion de:
Diputació de Barcelona
Diputació de Girona
Diputació de Lleida
Diputació de Tarragona

Darrèra actualizacion: 5 Junhsèga 2017

Imprimís