Programa de visitants internacionaus

Programa de visitants internacionaus en Catalonha

Era diplomàcia publica implique eth besonh deth dialòg dirècte damb ciutadans de d'auti païsi. Er objectiu ei crear ua opinion publica favorabla deth país e era construccion de relacions estables que creen un ambient positiu ei de confidança entà dar a conéisher es politiques publiques. Compòrte establir ua comunicacion fluida a toti es nivèus e entà artenhé’c, ei de besonh ua politica de dialòg, people to people , que facilite er establiment de compromisi e eth coneishement mutuau. Cau, donques, crear complicitats e arténher bones relacions damb collectius influenti entà difóner era realitat deth país de dehòra.

Es programes de visitants internacionaus son un instrument clau dera diplomàcia publica, en tant que contribuïssen a fomentar era creacion d'aguesti ligams personaus, professionaus e institucionaus que milhoren es relacions entre era societat civiu de diferenti païsi e, ath madeish temps, permeten conéisher de prumèra man era realitat politica, economica, sociau, e culturau d'un país, sense intermediaris.

Damb er objectiu de dar a conéisher era realitat catalana, es actius e valors deth país, eth sòn teishut empresariau e economic e era sua cultura e forma de govèrn, des de DIPLOCAT s'organizen programes de visites adreçadi ad aqueri collectius que pòden ajudar a difóner era nòsta realitat en exterior.

A trauès deth Programa de visitants internacionaus en Catalonha, se convide principaument a decisors e representants politics estrangèrs a viatjar tà Catalonha, pendent un periòde d'entre dus e tres dies, entà amassar-se damb es principaus autoritats deth país, atau coma damb representants dera societat civiu damb er objectiu d'aufrir-les era possibilitat de conéisher de prumèra man era situacion politica e economica deth país.

Ath delà, eth Programa poderà convidar a personatges de reconeishut prestigi mondiau que, mès enlà dera politica, poguen auer ua grana repercussion internacionau.

Es objectius deth Programa son es següents:

  1. Dar a conéisher ath mon sense intermediaris era realitat catalana e era volentat deth pòble catalan a decidir eth sòn futur.
  2. Establir relacions de confidança damb representants e decisors politics estrangèrs.
  3. Atrèir inversions, coneishement, institucions e persones.

Per un aute costat, DIPLOCAT a signat convènis damb entitats prestigioses entà organizar o collaborar damb es programes de visitants qu’aguesti realizen, coma ei eth cas dera German Marshall Fund of the US o eth Peres Center For Peace.

Darrèra actualizacion: 16 Març 2015

Imprimís

German Marshall Fund of the United StatesEra German Marshall Fund of the United States (GMF) siguec fondada en 1972 en memòria deth Plan Marshall, damb er objectiu de promòir era collaboracion e era ententa entre Euròpa e es Estats Units d'America. Era sua fin ei dar supòrt as persones e as institucions que trabalhen en establiment de ligams transatlantiques e actuauments a preséncia enes dus costats der ocean damb oficines en Berlin, Bratislava, París, Brussèles, Belgrad, Ankara e Bucarest.

Aguesta entitat de prestigi internacionau creèc eth Marshall Memorial Fellowship Program (MMF) er an 1982 damb er objectiu d'introdusir es naues generacions de caps europèus ena economia, era politica, era societat e es institucions des USA. Complementàriament, er an 1999 era Fondacion inicièc un programa entà dar a conéisher era realitat europèa as futurs caps nòrd-americans. Actuauments dispòse d'un hilat qu'amasse es EUA e vint-e-dus païsi europèus e compde damb mès de 2.000 persones associades procedentes deth mon academic, politic, jornalistic e economic d'enterpreses o organizacions non governamentaus.

The Peres Center For PeaceEth Centre Peres pera Patz, damb sedença en Tel Aviv-Jaffa, ei ua organizacion non governamentau independenta fondada eth 1996 peth Prèmi Nobel dera Patz e president d’Israèl entre eth 2007 e eth 2014, Shimon Peres. L’objectiu deth Peres Center ei promòir ua patz duradora e eth progrès a l’Autan Mejan en tot fomentar era tolerància, eth desvolopament economic e tecnologic, era cooperacion e eth benestar, en tot seguir l’esperit dera vision deth president Peres.